Un corregimiento ye ua debison territorial ó populaçon dirigida por un corregedor ó "repersentante". Tamien de l mesmo modo se zeigna l'eisercício de las funçones de corregedor, cumo l território jurisdicional adonde estas se eisercen.
Ne l Dreito Andiano se zeignaba cun tal nome a territórios relatibamente stensos, adonde eisistia numerosa populaçon andígena i ne ls quales un corregedor, nomeado giralmente pula Rial Audiéncia respetiba, tenie a sou cargo l'admenistraçon de justícia ne l cebil i penal, la bigiláncia i direçon de las reduçones ó aldés andígenas i la cobrança de ls tributos régios. Culas reformas borbónicas, ne l seclo XVIII, ls antigos corregimientos (tamien chamadas porbíncias) se trasformórun an partidos ó sub-delegaçones.
Na Colómbia se aplica la palabra corregimiento a las populaçones que nun alcançan l caráter de munecípio, sendo sue jurisdiçon submetida a un munecípio ó, ne l causo de ls corregimientos departamentales, a un departamiento. Ls centros de poboamiento se chaman beredas.
Ne l Panamá se aplica a las debisones que ten un çtrito, tamien a las debisones que ten la Comarca Kuna Yala. La Comarca Kuna de Wargandí ye un corregimiento cun caráter de comarca. An cada corregimiento l'outoridade ye l repersentante de corregimiento.
An Castielha, ye un uorgon de gobierno de l'agrupamiento de la Junta General de las siete Merindades de Castielha Bielha i territórios nun Cunseilho Maior ó Ajuntamiento General para harmonizar la sue política an árias de l'antresse quemun. La purmeira Junta General se celebra an 8 de janeiro de 1551 i la purmeira ata cunserbada data de 5 de janeiro de 1556. Celebrórun-se até 1.835, anho an que se porduç la reorganizaçon de ls Ajuntamientos[1]
© MMXXIII Rich X Search. We shall prevail. All rights reserved. Rich X Search